بصراحة دولة الصين دي.. أنا بحترمها جداً
بل وأحياناً بدعيلها... آه والله
ناس كثير بتنظرلها بحقد.. لأنها غزت العالم ببضائعها.. وتنامى اقتصادها بشكل كبير جداً في العقدين الأخيرين.. على حساب دول أخرى..
لكن نفس الناس دي نسيت إن التجارة عبارة عن منفعة متبادلة... البائع ينتفع بالمال والمشتري ينتفع بالخدمة أو السلعة التي اشتراها..
وأنا بصراحة شايف إن اللي احنا استفدناه من الصين أكثر بكثير من اللي هي استفادته منّنا..
لأنها سهّلت علينا حاجات كثيرة في حياتنا..
كل حاجة أصبحت رخيصة وفي متناول يد محدودي الدخل -أمثالنا-
أبسطها مثلاً.. إن الواحد مننا دلوقتي بيقدر يفرّح أولاده بلعبة ثمنها اثنين جنيه ونصف..
لعبة زي الفُل.. تتحرك وتتطبل وترقص كمان على وحدة نص.
نرجع بقى لعنوان الموضوع..
يعني
الصين عملت كل حاجة دلوقتي من الإبرة للصاروخ... مش قادرة تنزلنا خروف
صيني على العيد الكبير يكون رخيوص كده وابن حلال عشان الغلابة ياكلو لحمة
