www.manslovers.yoo7.com


اجمد منتدي لشباب وبنات المنصورة
 
الرئيسيةالبوابةمكتبة الصورس .و .جبحـثالأعضاءالمجموعاتدخولالتسجيلدردشة المنتدي

شاطر | 
 

 اكتر واشهر جمل من اللى بيقولها الاب والام لاولادهم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
AMR ALAA

avatar

عدد المساهمات : 23
نقاط : 8352
تاريخ التسجيل : 17/05/2010
العمر : 24
الموقع : http://www.facebook.com/group.php?gid=363113879208&ref=ts

مُساهمةموضوع: اكتر واشهر جمل من اللى بيقولها الاب والام لاولادهم   الخميس سبتمبر 30, 2010 10:56 pm

السلام عليكم
بسم الله الرحمن الرحيم
النهاردة جبتلكم اكتر واشهر جمل الاب والام بيقولوها لأولادهم
...*...*...*...* ...*...*...*...*...*...*...*...*...*...

*اوعى خيالك المريض يهيالك انك ممكن تاخد منى فلوس تانى.
* انتا مالك من ساعة ما دخلت البيت و انتا فرحان انتا جاي من انهي غرزة.
*ذاكر ياموكوس مش فالح غير فى الهيافه والكلام الفاضى.
* خلصي اكلك وناميلك شويه عشان تقومي تزكريلك شويه.
*ذاكر ساعتين بتركيز كأنك ذاكرت اليوم كلو (الغريب اما تقعد تذاكر ساعتين يقولوا و هي دي مذاكره).
مذاكرة ايه دا اللى على السرير.

يا ابني تعالي اقعد معانا ولا انت ماجر اوضه جوه البيت ......

ابقي نشف الحمام بعد ما تخرج منه.

يا خويا ياريتك حافظ الدروس اللى عندك زى ما انت حافظ الاغانى كده .

اعملى حسابك اول م الدراسه تيجى الرسيفر هيتشال هو
والتليفزيون.

*قبل الفجر: ارجع بات في المكان اللي انت جاي منه.

* لو كانت اللي علي التليفون طنط سلوي قوليلها ماما نايمة .

* ابقى قابلني بكرة تاخد بالجزمة وتاكل كل حاجة غصب عنك.

يابنى حرام عليك هات قناة الناس الشياطين ماليه البيت.

* امشى جاتك مشش فى ركبك .

* جتها نيلة الى عايزة خلف تيجى تتفرج .

* متحطيش الموبايل جنبك و انت نايمه هيجبلك تخلف عقلي .

* متتأخرش وهات عيش وانت جاى .

* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .

* هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).

*أوعا حد يضحك عليك ويقولك جرب السيجارة دي.

*ابقى ورينى مين حينفعك فى الاخر من شوية الصيع الى انت مشيلى وراهم .

* وطي المدعوق ده شويه .

* مش ملاحقه علي التليفون ولا الموبيل عملالي فيها الست المهمه.

*برة البيت بتضحكوا وجوة البيت لاوى لنا بوزك ............ خلي شوية اصحابك الصيع ينفعوك.

* كريم دا عيل بايظ وماتمشيش معاه تاني .

* مين منى دي انتى كل يوم تصاحبي واحدة جديدة ؟.

* هياا الوزيرة معندهاش وزاره النهارده قومى يا حبيبتى الساعه10 .

* انته مبتكلش جزر ليه .. اجيبلك برتقانه. طب كل سلطه .

* قومي ساعدي امك ده اللي هيتجوزك أمه داعية عليه.

* يا ابني حرام عليك الى بتعمله فينا ده.

* انا سايبالكوا البيت وماشية ومش حتشوفوا وشي تاني .

* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.
ابقي قبليني لو فلحتي ...بس دايما مش بيقلوا نقابلهم فينّ!!! غربيه .

* كفايه رغي في التليفونات .

* اطفي التلفزيون وقوم ذاكر ولا خش اوضتك .

* بلاش تمشى حافى البس شبشب وانته داخل الحمام .

* ماتتأخرش علشان عندك كلية بكرة بدرى.
* انا عارفة ازاى المك .
* انا : ياماما بقه ايه ده ؟؟؟
ماما:مووو لمـا يــــــخدك .

* ده منظر اوضة بني آدم ، انت عايش فيها ازاي؟.

* هو انا الخدامه الى ابوكم جبهلكم .

* الى يطلع من الاوضه يطفى النور وراه .

*أبوك عندك أهو اتصرف معاه .

* لو مش فاهم حاجه ارفع ايدك و قول للأستاذ مش فاهم .. متتكسفش .

* يأبنى المذاكره مش بتخلص .... نفسى اشوفك مره ماسك كتاب.

* اعمل حسابك مش حندخلك جامعه خاصه.

* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .

* مالكش دعوة بالسياسة .. وماتمشيش في مظاهرات .و امشي جوا الحيط .

* احمد ربنا الاكل الى مش عجبك ده فى ناس مش لقينه .

*والله لو منضفتيش الشقه ومسحتيها ما في نزول النهارده .

* قومي سخني الأكل لأخوكي.

* ابوكم كان على طول بيطلع الاول على الفصل... "

* ومن اشهر الجمل الى بتتقال كل يوم بعد الاكل :
انا مش الخدامه اللي اشترهالكوا ابوكوا اللي ياكل في طبق او يشرب في كباية يغسلها ما يركنهاش في الحوض.

* ( حضرتك راجع البيت متأخر و عاوز تتوه الموضوع وانت بتكلم مامتك )
انت : ماما عاملة ايه مش عارف ليه حاسس انك وحشتيني يا ست الحبايب
مامتك : وحش اما يلهفك كنت فين ياد يا صايع انت ؟ ايه اللى رجعك متأخر امبارح ؟؟
...*...*...*...* ...*...*...*...*...*...*...*...*...*...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com/group.php?gid=363113879208&ref=ts
AMR ALAA

avatar

عدد المساهمات : 23
نقاط : 8352
تاريخ التسجيل : 17/05/2010
العمر : 24
الموقع : http://www.facebook.com/group.php?gid=363113879208&ref=ts

مُساهمةموضوع: رد: اكتر واشهر جمل من اللى بيقولها الاب والام لاولادهم   الخميس سبتمبر 30, 2010 11:02 pm

ايه رايكم يا جماعه الكلام ده سمعت معظمه عندنا فى البيت واكتر كلمة بكرهها كلمة خش زاكر اللى عاوز يضايقنى يقولهالى ههههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com/group.php?gid=363113879208&ref=ts
7ekayet 2lb

avatar

عدد المساهمات : 290
نقاط : 8734
تاريخ التسجيل : 24/05/2010
العمر : 27

مُساهمةموضوع: رد: اكتر واشهر جمل من اللى بيقولها الاب والام لاولادهم   الإثنين أكتوبر 04, 2010 7:49 am

معاك الحق الكلام ده بيتقال فعلا
بس اكتر حاجة بتغيظنى :
لو كنتى حافظة الكتاب ده زى مانتى حافظة المسلسل
كان زمانك حاجة تانية
Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اكتر واشهر جمل من اللى بيقولها الاب والام لاولادهم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
www.manslovers.yoo7.com :: ••♥Lovers-منتدي عالم المرأه-Mans ♥ •• :: صحه المرأه-
انتقل الى:  

.: عدد زوار المنتدى :.