اصعــب احســـــــــاس

اصعب إحساس في الدنيا بجد إن الإنسان يفقد أجمل إحاسين في الدنيا وهما إحساس الصداقه وإحساس الحب الأول كان بوفاه اقرب صديقه ليا اللي عشت معاها سنين عمر كتير شاركتني وشاركتها كل لحظات الألم والفرح والحزن والمرح اختلفنا واتفقنا لكن عمرنا ما بعدنا بس القدر لعب لعبته وفرق بينا بعدنا الموت عن بعض بعدت فجأه وبدون اي مقدمات وفي الوقت دا واللي انا كنت فعلا محتاجه ان اول واكتر إنسان حبيته في الدنيا كلها يكون معايا في المي وجرحي دا هو اول انان بعدن عني وتركني وحيده كنت فكره انه هو الوحيد اللي بيحس بألمي وتعبي وخنقتي هو الحمايه والأمان والظهر اللي هيسندني لو اتكسرت لكن للأسف كل دا طلع وهم كبير جدا فقت منه بس متأخر وانا بموت من المي علي فراق اعز صديقاتي لقيت الم اخر وهو فقدان اكتر حد كنت متخيله انه احن انسان عليا في الدنيا لقيت مره واحده نفسي وحيده غريبه تايهه مليش اي حد ارمي عليه همومي ملقتش حد يطيب جراحي اد كدا الدنيا دي غريبه بعد ماكنت عايشه اسعد اوقاتي ليا اصدقاء بيشركوني كل حاجه في حياتي وانسان جميل جدا بيحبني بقيت لوحدي لوحدي في طريق طويل مظلم مفيش فيه اي شعاع نور واحد