هي الحياه كده ليه بأليها لون تاني .. كل مره اسمع الاغنيه دي تعجبني اوي واقول نفسي اشوف اللون التاني دا
بس للاسف كل لما بشوف لون تاني ... بيطلع لون غامق بردو
مش عارف حاسس اني انا الي عايز اغير النضاره ولا اية!!!!!!!!!!!!؟
فعلا الحياه اصبحت مليانه بالحوارات والمشاغل والضغوط
كل واحد عايش في دوامه ولو بص لغيره هيلاقيه في دوامه تانيه ... دا كمان رنا يستر ومش يشده معاه في دوامته
لا شباب عارف يحقق طموحه ..ولا بنات شايفه ان فارس احلامه ممكن تلاقيه في الشباب دول
ولا واحد مستريح في وظيفته
ولا بلد ماشيه كويس تحسسك انك في بلد محترمه
ولا تلفزيون بيزيع خبر يفرح .. حتي لو زاع مش بنصدقة
والبلد زحمه
والدراسه تخنق
وكله بيشتغل كله
حاجه كه لو فكرت فيها كتير الواحد ممكن ينتحر
الواحد لما حب يهرب من كل دا ويلجأ للنت .. او انا شخصيا بالفعل دخولي النت كان سببه الاول هو الهروب من الحياه الواقعيه
علي الاقل الواحد بدل ما بيخوض في اي موضوع بنفسه اصبح بيخوضها عن طريق شاشه وكي بورد والماوس والسمعات
قد تكون كده حياه جافه ..لكني توقعت انها اقل حده من الحياه الحقيقية
لكن عندما اصبحت متعمق في حياه الانترنت
وجدت اني لم اهرب من مواجه مشكلات الحياه الخارجيه الا لاقابل مشكلات الحياه الاخرى
انا لا اقصد مواجه طرف ااخر فأنا لست جبان لاخشى هذه المواجهه
لكن المواجهه مع النفس .. او بمعني اصح حده الحوار مع النفس
فما اسوء ان تكثر التسؤلات مع النفس
لما ولماذا وكيف واين واشمعني ومعقول ومش معقول وطيب وبس وليه
وجدت في بدايه علاقتي بمجتمع الانترنت تخفيف كثير لكل هذه التساؤلات لاني بدا في حياه اشكلها انا .. او كما توقعت
فبوجودي في مجتمعات ومنتديات بدأت اتعرف علي اشخاص بأسلوب مختلف
بدأت ابعد عن الحياه لجد اوي واشكل حياه زي ما بيقولو ترفيهيه
لكني مع التعمق اكثر داخل هذه الحياه الجديده
كما لو كنت كالطفل كن اعبث وافرح بالحياه لاني لم اري منها سوى القليل
ومع النضوج اكتشفت انها ليت بهذه البساطه فبدأت ادخل في مشاكلها
وبالفعل وجدت في علاقاتي وعلاقات الاخرين في هذه الحياه الجديده ما يحدث في الحياه الحقيقيه
حوارات واشتغالات وافلام
هذا يحب وهذا يخدع وهذا يصدق وهذا يكذب
تتوقع شيء من شخص ولا تجده
تتوقع انك تعرف شخص وتجد انك لا تعرفه
تتوقع شخص انه صديق .. فتجد انها مجرد معرفه صطحية
فتعود لتسأل نفسك
لما ولماذا واين وكيف ومعقول ومش معقول وطيب وبس وليه
وجدت انني فعلا اؤمن بالحكمه القائله
ضاقت فلما استحكمت حلقاتها .. كلكعت اكتر جتها نيله فقرية
